Открытие проекта «На девяти холмах Чурапчинского наслега»

Ыам ыйын 8 күнүгэр Чурапчытааҕы аграрно-техническэй колледж үлэлэтэр «На девяти холмах Чурапчинского наслега» проегын аһыллыыта буолла.

Хас биирдии киһи төрөөбүт төрүт түөлбэтин уруккутун уонна билиҥҥи олоҕун хайаан да билиэхтээх, үөрэтиэхтээх. Төрөөбүт дойдубут, нэһилиэкпит баай историятын, өбүгэлэрбит материальнай культураларын, олохторун-дьаһахтарын, нэһилиэкпит сайдыытын үтүө – мааны үлэһит дьоннорун үөрэтэр уонна сырдатар ытык иэстээхпит.

«На девяти холмах Чурапчинского наслега» проект чэрчитинэн Кыайыы томторугар (Бырааба томторо) Улуу Кыайыы күнүн көрсө тэрээһин ыытыллынна.

Бырааба томторо, оройуон тэриллиэн иннинэ улууһунан олорор эрдэххэ, билигин военкомат үлэһиттэрэ олорор дьиэлэригэр Боотурусскай улуус быраабатын дьиэтэ олохсуйа сылдьыбыт. Ааҕар балаҕаҥҥа анаан 1934 сыллаахха военкомат билиҥҥи хонтуоратын дьиэтэ тутуллубута. Улуу Кыайыы 30 сылыгар Гаврил Соловьев бырайыагынан Кыайыы пааматынньыга тутуллубута.

                Бу томтор историятын, буолбут чахчылары сырдатта Никитин Семен Иванович, РФ сэбилэниилээх күүстэрин отставкаҕа олорор майора, Хатылы нэһилиэгин, Чурапчы улууһун  бочуоттаах олохтооҕо, социальнай муниципальнай служба туйгуна, Чурапчытааҕы коммунистическай партия 1 сэкэритээрэ, СР Государственнай мунньаҕын (Ил Түмэн) норуодунай депутата.

Бу проект чэрчитинэн виртуальнай(сатыы,хаалыктаах хаамыы)экскурсия,QR-код,9 томтордору сырдатар буклет оноьуллуохтаах.
Проект улэтэ эдэр келуенэгэ туьалаах,утуе тумуктэрдээх буолуо диэн эрэнэбит.

Добавить комментарий

Ваш адрес email не будет опубликован. Обязательные поля помечены *